مەودا میدیا-

وەزیرەی دەرەوەی عیراق رایگەیاند دەبێت سەروەی خاکی عیراق بپارێزرێت و ئاماژەی بەوەشکرد پێویستە سەرجەم هێزە بیانییەکان خاکی عیراق جێبهێڵن.

محەمەد عەلی حەکیم، وەزیری دەرەوەی عیراق و مەولود چاوشئۆغڵۆ، وەزیری دەرەوەی تورکیا کۆنفرانسێکی هاوبەشیان ئەنجامدا و وەزیری دەرەوەی عیراق رایگەیاند " دەبێت سەروەی خاکی عیراق بپارێزرێت و ئەو هێرشانەی لە عیراق ئەنجامدران پێشلکردنی سەروەری خاکی عیراق بوو".

محەمەد عەلی حەکیم وتیشی "پێویستە سەرجەم هێزە بیانییەکان خاکی عیراق جێبهێڵن".

لە بەرانبەردا چاوشئۆغڵۆ وتی "نابێت عیراق ببێتە شوێنی یەکلاکردنەوەی ململانێکانی نێوان ئەمریکا و ئێران دەبێت کار بۆ کەمکردنەوەی گرژی نێوان ئەو دوو وڵاتە بکرێت".