مەودا میدیا- سەركۆ جەمال

لە شاری چارداوڵی سەر بە پارێزگای ئیلام لە رۆژهەڵاتی كوردستان تەقینەوەیەكی گەورە روویدا، بە وتەی جێگری پارێزگاری ئیلام بۆ كاروباری ئەمنی تەقینەوەكە بەهۆی بوتڵێكی گازی 800 كیلۆییەوە بووە. 

قایمقامی چارداوڵ ئاماژە رایگەیاند "ئەو بووتڵەی تەقیوەتەوە گازی كلۆر بووە و بەهۆیەوە خەڵك ژەهراوی بوون".

هەروەها محەممەد كەریمیان، سەرۆكی زانكۆی پزیشكی ئیلام رایگەیاند " 217 كەس برینداربوون و برینی 106 كەسیان  قورسە".

 هەر لەوبارەیەوە قاسم  دەشتەكی، پارێزگای ئیلام فەرمانی فریاكەوتنی بەپەلەی دەركردووە و دەیان تیمی فریاكەوتن لە كرماشان و شاری ئیلامەوە چوونەتە شوێنی رووداوەكە.

بریندارێكی تەقینەوەكەی ئیلام لە نەخۆشخانە قسەی بۆ میدیای ئێرانی كردووە و وتویەتی " وا هەستم كرد بوومەلەرزە بوو".