مەودا میدیا- سازگار ئەحمەد

بڕیاربوو سبەی یەکشەممە شاندی هەرێمی کوردستان سەردانی بەغدا بکات، بەڵام بەهۆی زیاتر ئامادەکارییەوە گۆڕانکاری لە کاتەکەیدا کرا و رۆژی سێشەممە شاندی هەرێمی کوردستان دەچێتە بەغدا بۆ بەردەوامی دان بە گفتوگۆکانی نێوان هەرێمی کوردستان و بەغدا.

سەمیر هەورامی، وتەبێژی جێگری سەرۆکی حکومەتی هەرێمی کوردستان بە مەودا میدیای راگەیاند "رۆژی سێشەممە 8ی ئەیلولی 2020 شاندی هەرێمی کوردستان بە سەرۆکایەتیی قوباد تاڵەبانی،  جێگری سەرۆکی حکومەتی هەرێمی کوردستان دەچێتە بەغدا".

ئاماژەی بەوەشکرد "لە رۆژی سێشەممەوە گفتوگۆکانی هەرێمی کوردستان و بەغدا دەستپێدەکەنەوە و پێدەچێت شاندی هەرێم بۆ ماوەی هەفتەیەک لە بەغدا بمێنێتەوە".

س.س