مەودا میدیا-

وەزیری پەروەردەی حکومەتی هەرێمی کوردستان رایدەگەیەنێت 27ی ئەم مانگە خوێندکارانی پۆلی 12ی ئامادەیی دەست بە پرۆسەی خوێندن دەکەن، ئاماژەی بەوەشکرد ا بۆ ساڵی نوێی خوێندن قۆناغەكانی 1 و 2ی بنەڕەتی و 12ی ئامادەیی لەناو هۆڵەكانی خوێندن ئامادە دەبن.

ئالان حەمە سەعید، وەزیری پەروەردەی حکومەتی هەرێمی کوردستان لە کۆنگرەیەکی رۆژنامەوانیدا رایگەیاند "27ی ئەم مانگە دەستپێكردنی ساڵی نوێی خوێندن دەبێت بۆ خوێندكارانی 12ی ئامادەیی لەناو هۆڵەكانی خوێندن بەگرتنبەری رێوشوێنە تەندروستییەكان".

ئاماژەی بەوەشکرد "بۆ ساڵی نوێی خوێندن قۆناغەكانی 1 و 2ی بنەڕەتی و 12ی ئامادەیی لەناو هۆڵەكانی خوێندن دەبن، بەڵام قۆناغەكانی دیکە بەشێوەی ئۆنلاین وانەکان دەخوێنن". 

ئەوەشی خستەڕوو "رۆژی 10ی تشرینی یەكەمی داهاتووش پرۆسەی خوێندن بۆ خوێندكارانی 1 و 2ی بنەڕەتی لەناو هۆڵەكانی خوێندن دەستپێدەكات".

س.س