مەودا میدیا- سازگار ئەحمەد

دوانیوەڕۆی ئەمڕۆ لە رووداوێکی هاتوچۆدا لە رێگەی سێداران پشت سەیرانگای ئەحمەد ئاوای سەر بە پارێزگای هەڵەبجە لە رووداوێکی هاتوچۆدا چوار کەس گیانیان لەدەستدا و سێ کەسی دیکەش برینداربوون.

رائید بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە مەودا میدیای راگەیاند "دوانیوەڕۆی ئەمڕۆ بەهۆی وەرگەڕانی ئۆتۆمبێلێکی جۆری کیا لە رێگەی سێداران پشت سەیرانگای ئەحمەد ئاوای سەر بە پارێزگای هەڵەبجە چوار هاوڵاتی گیانیان لەدەستدا کە سەرجەمیان لە رەگەزی نێرن".

ئاماژەی بەوەشکرد "هەر لە رووداوەکەدا سێ کەسی دیکەش برینداربوون کە ژنیشیان تێدایە و بەمەبەستی چارەسەرکردن رەوانەی نەخۆشخانەی فریاکەوتنی سلێمانی کراون و لێکۆڵینەوە لە رووداوەکە دەستیپێکردووە".

س.س