مەودا میدیا- سەركۆ جەمال

سەرۆكی لیژنەی دارایی و كاروباری ئابووری پەرلەمانی كوردستان دەڵێت بەردەوامن لە بەدواداچوون بۆ كاری دەروازە سنووری و گومركەكان، باس لەوەشدەكات كە گەندەڵییان بەدیكردووە و بە راپۆرتێك دەیدەنە پەرلەمانی كوردستان.

زیاد جەبار، سەرۆكی لیژنەی دارایی و كاروباری ئابووری پەرلەمانی كوردستان لە لێدوانێكدا بە مەودا میدیای وت "ئەو لیژنەیەی پەرلەمان بۆ بەدواداچوونی كاری دەروازە سنووری و گومركەكان پێكیهێناوە بەردەوامە لە بەدواداچوون و سەردان بۆ ئەو شوێنانە".

وتیشی "هەفتەی رابردوو سەردانی گومركی ئیبراهیم خەلیل مان كردووە و لەدوای ئەو سەردانەش سەردانی چەند دەروازەیەكی دیكەی سنووریمان كردووە و بەردەوامیش دەبین".

زیاد جەبار راشیگەیاند "لەسەردانەكانماندا گەندەڵیمان بەدیكردووە، بەڵام نایدەینە راگەیاندنەكان تا راپۆرتی كۆتایی ئامادە دەكرێت و دەدرێتە پەرلەمانی كوردستان".