مەودا میدیا-

وەزیری کشتوکاڵ و سەرچاوەکانی ئاوی حکومەتی هەرێمی کوردستان رایگەیاند لەسەر داواکاریی جوتیاران ماوەی وەرگرتنی باج لەسەر بەرهەمی کاڵەک بۆ ماوەی 10 رۆژی دیکە درێژدەکەنەوە.

 

بێگەرد تاڵەبانی، وەزیری کشتوکاڵ و سەرچاوەکانی ئاوی حکومەتی هەرێمی کوردستان رایگەیاند "بۆ پاراستنی بەرهەمی جوتیارانمان لە 15ی حوزەیران تاوەکو 15ی ئەیلول باجی گومرگی بۆ هەر کیلۆیەک 350 دینارمان دانابوو لەسەر بەرهەمی هاوردەی کاڵەک (گندۆرە)".

 

ئاماژەی بەوەشکرد "جوتیارانمان داوایانکرد کە ماوەکە درێژبکرێتەوە، چونکە لە چەند ناوچەیەک بەرهەمی کاڵەکیان ماوە، بۆیە لەسەر داواکاریی جووتیاران و پاڵپشت بە یاسای پاراستن و پێشخستنی بەروبوومی کشتوکاڵی ژمارە 4ی ساڵی 2008 بڕیارماندا بە درێژکردنەوەی ماوەکە بۆ 10 رۆژی دیکە، واتە وەرگرتنی باج تاوەکو 25ی ئەیلوول بەردەوامیی دەبێت لەسەر کاڵەکی هاوردە".

س.س