مەودا میدیا- سازگار ئەحمەد

کەمێک پێش ئێستا لە گەڕەكی ماسیكێ لە شاری دهۆك لەکاتی کارکردن لە پرۆژەیەکی نیشتەجێبووندا بەهۆی داڕمانی دیوارێکەوە کرێکارێک گیانی لەدەستدا و یەکێک لە کرێکارەکانیش تاوەکو ئێستا لەژێر خۆڵەکەدایە و تیمەکانی بەرگری شارستانی سەرقاڵی دەرهێنانین.

بێوار عەبدولعەزیز، وتەبێژی بەرگری شارستانی دهۆک بە مەودا میدیای راگەیاند "کەمێک پێش ئێستا لە گەڕەكی ماسیكێ لە شاری دهۆك لەکاتی کارکردن لە پرۆژەیەکی نیشتەجێبووندا بەهۆی داڕمانی دیوارێکەوە کرێکارێک گیانی لەدەستدا".

ئاماژەی بەوەشکرد "یەکێک لە کرێکارەکان تاوەکو ئێستا نەتوانراوە رزگار بکرێت و تیمەکانمان سەرقاڵی دەرهێنانین، بەڵام نازانرێت بریندارە یان گیانی لەدەستداوە".

س.س