مەودا میدیا-
وەزارەتی بازرگانی عیراق قۆناغێکی نوێی خەرجکردنی شایستە دارایەکانی جووتیارانی راگەیاند و بڕیارەکە جووتیارانی هەرێمی کوردستانیش دەگرێتەوە.
مستەفا نەزار، وەزیری بازرگانیی عیراق رایگەیاند “لەلایەن وەزارەتی داراییەوە ئاگادارکراونەتەوە کە بڕی (350) ملیار دینار وەک شایستە داراییەکانی جووتیاران خەرجکراوە”.
ئاماژەی بۆ ئەوەشکرد “گەنمی ناوخۆ بەرهەمێکی ستراتیژییە و دابینکردنی شایستەکانیان جووتیاران هانیان دەدات بۆ زیادکردنی رووبەری چاندن و گەیشتن بە بەرزترین ئاستی بژێویی لە وڵاتدا”.
ئەوەشی خستەڕوو ” هەماهەنگییان لەگەڵ وەزارەتی دارایی بەردەوامە بۆ تەواوکردنی رێکارەکانی خەرجکردنی تەواوی ئەو پارەیەی لای حکومەت ماوە، تاوەکو هەموو ئەو جووتیارانەی گەنمیان رادەست کردووە، شایستە داراییەکانیان وەربگرن”.
ب ح
