مەودا میدیا-
پارتی چاکسازیی تورکمان پشتیوانیی خۆی بۆ هەنگاوەکانی لێکنزیکبوونەوە و گفتوگۆکانی نێوان یەکێتیی نیشتمانیی کوردستان و پارتی دیموکراتی کوردستان دەربڕی.
عەبدولقادر بازرگان، سەرۆکی پارتی چاکسازیی تورکمان رایگەیاند “گفتوگۆ و هاوکاریی سیاسی رێگەی گونجاون بۆ تێپەڕاندنی قەیرانەکان و چارەسەرکردنی جیاوازییەکان”.
ئاماژەی بۆ ئەوەشکرد “کاراکردنەوەی پەرلەمانی کوردستان و دەستپێکردنی پرۆسەی پێکهێنانی کابینەی نوێی حکوومەت، هەنگاوێکی گرنگە بۆ بەهێزکردنی دامەزراوەکان و خزمەتکردنی هاوڵاتییان”.
ئەوەشی خستەڕوو “پێویستە لە هەر پرۆسەیەکی سیاسی و حکومیدا، ماف و دەنگی پێکهاتەکانی هەرێم بە شێوەیەکی دادپەروەرانە و یاسایی بپارێزرێت و بەشداریکردنی راستەقینەیان لە دامەزراوەکانی دەسەڵات و بڕیاردان مسۆگەر بکرێت”.
ب ح
