مهودا میدیا-
چەند کاتژمێرێک دوای ئەوەی دۆناڵد ترەمپ، سەرۆکی ئەمهریکا رایگەیاند کە بیر لە فرۆشتنی فڕۆکەی جەنگی دزێوی F-35 دەکاتەوە بە تورکیا، بنیامین ناتانیاهۆ، سەرۆکوەزیرانی ئیسرائیل دژی ئەو هەنگاوە ئەگەرییە وەستایەوە.
لە چاوپێکەوتنێکیدا لەگەڵ کەناڵی سی ئێن ئێن، نەتانیاهۆ هۆشداریدا لەوەی فرۆشتنی نوێترین فڕۆکەی جەنگی ئەمهریکی نابێتە هۆی ئەوەی تورکیا ببێتە دۆستی ئەمهریکا.
هاوکات لەگەڵ پەرەسەندنی گرژییەکان لەگەڵ رەجەب تەیب ئەردۆغان، سەرۆک کۆماری تورکیا، نەتانیاهۆ ئەنكەرەی بە رژێمێکی پڕ لە ئیخوان موسلیمین وەسفکرد، کە رقی لە ئەمهریکایە، هاوپەیمانێکی ئایدیاڵی ئەمهریکا نییە، هەڕەشەی لەناوبردنی وڵاتەکەم دەکات، کە تاکە دەوڵەتی جوولەکەیە”.
ناتانیاهۆ وتی “ئەمە هێزێک نییە بۆ ئاشتی و سەقامگیریی کاتێک ئەم هێزەیان پێدەدەیت، شەڕانگێزی لە دوای ئەوەوە دەبینیت”.
دووپاتیشی کردەوە کە راستەوخۆ داوای لە ترەمپ کردووە ئەو فڕۆکە جەنگییانە بە تورکیا نەفرۆشێت و رایگەیاندووە “هاوسەنگی هێز لە رۆژهەڵاتی ناوەڕاست لەناو دەبات”.
بەڵام ترەمپ کە بۆ لوتکەی ناتۆ لە تورکیا بوو، ئاماژەی بەوەدا کە ئامادەیە ئەو قەدەغەیە هەڵبگرێت کە لە یەکەم خولی خۆیدا بۆ فرۆشتنی فڕۆکەکە بە ئەنكەرە سەپاندبووی، کە بە هاوپەیمانێکی نائاسایی ئەمهریکا وەسفی کرد.
هەر لەو چوارچێوەیەدا، سی ئێن ئێن و ماڵپەڕی هەواڵی ئەکسیۆس بڵاویان کردەوە کە بڕیارە رۆژی چوارشەممە، پیت هیگسس وەزیری بەرگریی ئەمهریکا سەردانی ئیسرائیل بکات.
ع
