مهودا میدیا-
رووبەڕووبوونەوەی نێوان ئەمهریکا و ئێران بەرەو رێڕەوێکی نوێی دانووستان دەڕوات، ئەمەش لە کاتێکدایە کە چەندین لێدوانی دۆناڵد ترەمپ، سەرۆکی ئەمهریکا کە ئامادهیی خۆی بۆ دانوستانەکان دەربڕیوە، لە کاتێکدا ناکۆکی لە نێو تاران سەبارەت بە مەرجەکانی یەکلاییکردنەوە و سنووری ئیمتیازاتی ئەگەری بەردەوامە.
لە کاتێکدا مەسعود پزیشکیان، سەرۆک کۆماری ئێران ئامادەیی خۆی بۆ کۆتاییهێنان بە قەیرانەکە دهربِڕیوه، سوپای پاسداران لە سەر زەوی و بە پلەی یەکەم له گەرووی هورمز، لە نێوان بۆچوونە جیاوازەکاندا لەسەر ئەولەویەتی پرسی ئەتۆمی و رۆڵی مووشەک و فڕۆکەی بێفڕۆکەوان و بریکارەکانی ئێران لە ناوچەکەدا ماوهتهوه.
پۆڵ سالم، شرۆڤەکاری کاروباری ئەمهریکا و رۆژهەڵاتی ناوەڕاست به سکای نیوز عەرەبی راگهیاندوه “داواکارییەکانی ترەمپ وردە وردە گۆڕانکارییان بەسەردا هاتووە، لەسەرەتادا تەسلیمبوونی رژێمی ئێران و بەرنامە مووشەکییەکەی و فڕۆکەی بێفڕۆکەوان و بریکارەکانی ناوچەکەیان لەخۆگرتبوو، بەڵام ئێستا تەرکیزەکان گۆڕاوە بۆ دووبارە کردنەوەی گەرووی هورمز لەژێر مەرجێکدا کە لەلایەن ئەمهریکاوە قبوڵکراوە”.
نەبیل ئەلعەتووم، بەڕێوەبەری پرۆگرامی توێژینەوەی ئێران لە سەنتەری لێکۆڵینەوەی ناوچەیی هاوڕایە کە زامنکردنی ئازادی کەشتیوانیی لە گەرووی هورمز مەرجی سەرەتایی ئەمهریکا بۆ کەمکردنەوەی فشارەکانی سەر تاران دەبێت.
ئەلعەتووم دەڵێت، واشنتۆن دەیەوێت گەرووی هورمز بکاتەوە و رێگریی لە هەر هەڕەشەیەک بۆ سەر کەشتیوانیی یان پەکخستنی کەشتیوانیی بکات، هەروەها ئێران دەبێت پابەندی ئەو داواکاریانە بێت پێش ئەوەی هەر جۆرە سووککردنێکی وردە وردەی سزاکان وەربگرێت، بەم شێوەیە هورمز دەبێتە دەروازەی هەر رێککەوتنێکی ئەگەری، نەک تەنها بڕگەیەک لەناو رێککەوتنێکی فراوانتردا.
بەپێچەوانەوە ئێران هەوڵدەدات ئەم هێرشە بپارێزێت بۆ بەهێزکردنی پێگەی دانوستانکاری خۆی، ئەلعەتووم بە ئاماژەدان بە لێدوانێکی موحسین رەزایی کە جەختی لەوە کردەوە کە هەڵگرتنی کارتی هورمز لە هەڵگرتنی دە بۆمبی ئەتۆمی گرنگترە، ئەمەش ئاماژەیە بۆ ئەوەی کە بوونی ئێران لە هاوکێشەی بابل مەندەبدا، موزایەدەی زیاتری بۆ تاران سەبارەت بە رێگا دەریاییەکان دابین کردووە.
ع
