مهودا میدیا-
وەزارەتی دارایی عیراق دەستی بە رێکارەکانی تەمویلکردنی مووچەی فەرمانبەرانی عیراق کردووە و رایگەیاند، پارەی پێویست بۆ مووچەی مانگی ١١ بە تەواوی لەبەردەستدایە.
بەپێی میدیا عیراقییهكان، مووچەی فەرمانبەرانی تەمویل زاتی ئەمشەو یان سبەینێ دەخرێتە سەر هەژمارە بانکییەکانیان و پێشبینی دەکرێت پرۆسەکە تا کۆتایی ئەم هەفتەیە تەواو بێت.
لە هەمان کاتدا، رێکارەکانی دابەشکردنی مووچەی هێزە ئەمنییەکان و فەرمانبەرانی هەمیشەییش دەستی پێکردووە، بەڵام دابەشکردنی مووچەکانیان لە 22ى ئەم مانگەوە دەستپێدەکات.
لە لایەکی دیکەوە، فەرمانگەی ژمێریاریی داوای لە بەشێک لە وەزارەتەکان کردووە لیستی مووچەخۆران و راپۆرتی پێویست بنێرن، بۆ ئەوەی رێکارەکانی دابینکردنی مووچەکانیان تەواو بکرێت.
ع