مەودا میدیا-
بەڕێوەبەری گشتیی بازرگانی لە وەزارەتی بازرگانی و پیشەسازیی هەرێم ئاشکرایکرد پێش جەژنی قوربان بەشە خۆراکی سێیەمی ئەمساڵ بەسەر هاوڵاتییاندا دابەش دەکرێت.
نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێم رایگەیاند “رێکارەکانی دابەشکردنی بەشە خۆراکی سێیەم دەستیپێکردووە و لەمڕۆوە خۆراک لە کۆگاکانەوە بۆ بریکارەکان دەگوازرێتەوە”.
ئاماژەی بۆ ئەوەشکرد “سەبەتەی خۆراکی سێیەم لە ئارد و شەکر و برنج و ئاوی تەماتە و زەیت و پاقلەمەنییەکان پێکهاتووە و لە بەرانبەریدا بۆ هەر کەسێک بڕی هەزار و 500 دینار وەردەگیرێت”.
ئەوەشی خستەڕوو “لەمڕۆوە لە کۆگاکانەوە خۆراک بۆ ئەو بریکارانە رەوانە دەکرێت کە پارەکەیان داوە و دوای ئەوەش راستەوخۆ دەستدەکرێت بە دابەشکردنی بەسەر هاوڵاتییاندا”.
ب ح
