مەودا میدیا-
سەرۆک کۆماری ئێران ئاشکرایکرد شاندی دانووستانکاریی وڵاتەکەی بە سەربەرزی و بەبێ هیچ سازشکردنێک چوونەتە ناو پرۆسەی دانووستانەکانەوە و هیچ مەرجێک قبوڵناکەن.
مەسعود پزیشکیان، سەرۆک کۆماری ئێران رایگەیاند “لە هەر شوێنێک بیانەوێت مافەکانی گەلی ئێران فەرامۆش بکەن، ئەوان پاشەکشە ناکەن و سەریان بۆ نەیارەکانیان کەچ ناکەن”.
ئاماژەی بۆ ئەوەشکرد “بەهۆی پێگەی ئێرانەوە لە پرسی لوبناندا لایەنی ئەمەریکی سازشیان کردووە و دەروازە و کرانەوەی باش لە گفتوگۆکان و کۆتاییهێنان بە ئاڵۆزییەکان هاتوونەتەئاراوە”.
ئەمەش لە کاتێکدایە، ئەمڕۆ شاندنی دانووستانکاریی ئێران بەهۆی هەڕەشەیەکی سەرۆکی ئەمەریکا لە وڵاتەکەیان لە گفتوگۆکانی تایبەت بە لێکتێگەیشتنی تاران و واشنتۆن لە جنێڤی سویسرا کشانەوە و گەڕانەوە بۆ وڵاتەکەیان.
ب ح
