مەودا میدیا-
بەڕێوەبەری گشتیی بەڕێوەبەرایەتی گەشتوگوزاری هەڵەبجە ئاشکرایکرد فێستیڤاڵی هەنار کاریگەریی زۆری لەسەر بوژاندنەوەی بازاڕ و رەخساندنی هەلی کار هەیە.
چیا قاسم، بەڕێوەبەری گشتیی بەڕێوەبەرایەتی گەشتوگوزاری هەڵەبجە بە مەودا میدیای راگەیاند “بۆ فێستیڤاڵی ئەمساڵ (500 کەپر)یان بۆ جووتیاران و خانمانی دەستڕەنگین و ئەوانەی خواردەمەنی پێشکەش دەکەن دابینکردووە”.
ئاماژەی بۆ ئەوەشکرد “فێستیڤاڵەکە نزیکەی (دوو هەزار هەلی کار)ی بۆ هاوڵاتییانی دەرەوە و ناوخۆی هەڵەبجە رەخساندووە و کاریگەری گەورەی لەسەر ناوچە گەشتیارییەکان هەبووە بەتایبەت هاتنی گرووپی گەشتیارانی عەرەب لە ناوەڕاست و باشووری عیراق”.
ئەوەشی خستەڕوو “داوا لە گەشتیاران دەکەن پابەندی رێنماییەکانی هاتوچۆ و پاراستنی ژینگە ببن، پێشبینی دەکەن زیاتر لە (نیو ملیۆن گەشتیار) روو لە فێستیڤاڵەکە و ناوچە گەشتییارییەکانی سنووری پارێزگای هەڵەبجە بکەن”.
ب ح
