مهودا میدیا-
ئیلهام ئەحمەد، هاوسەرۆكی فەرمانگەی پەیوەندییەكانی دەرەوە لە ئیدارەی خۆسەری رۆژئاوای كوردستان به ئاژانسى هاوارنیوزى راگهیاندووه “کۆبوونەوەکەمان لهگهڵ ئهحمهد شهرعى سهرۆكى كاتى سوریا، تیشکی خستە سەر ئاستەنگەکانی بەردەم یەكسختن و، کار بۆ تێپەڕاندنی ئاستەنگەكان بەردەوامە، بەڵام پرۆسەکە بە هێواشی بەڕێوە دەچێت”.
باسى لهوهشكرد “دۆسیەی پەروەردە بە چارەسەرنەکراوی ماوەتەوە، رێككەوتن كراوە سەردانێکی وەزاری بۆ حەسەکە بكرێت بەمەبەستی دانانی میکانیزمی چارەسەر، کاردەكرێت بۆ تەواوكردنی دامەزراندنەكان لە بەڕێوەبەرایەتی و وەزارەتەکان و دانانی میکانیزمێکی نوێ بۆیان”.
وتیشى “ئیدارەی دەروازە سنورییەکان رێكخراوەو، فەرمانبەرانی ئیدارەی خۆسەر بەردەوام دەبن لە کارەکانیان، ناکۆکی لەسەر دامەزراندنەكانی پێشوو دروستبوو، پێویستیی بە کۆدەنگیی هەبوو بەبێ ئەوەی كارمەندانی ئیدارەی خۆسەر پەراوێز بخرێن، هاوکات لەگەڵ جەختكردن لەسەر گرنگی ئەزموون و لێهاتوویی”.
ئهوهشى خستهڕوو “دامەزراندنی بەشێک لە بەڕێوەبەران لەلایەن حکومەتی کاتییەوە کێشەدارە و دەبێت لێکتێگەیشتنێک سەبارەت بە دامەزراندنەکان بکرێت بۆ ئەوەی فەرمانبەرانی ئیدارەی خۆسەر دوور نەخرێنەوە”.
ههروهها “نوێنەرانی حەسەکە و کۆبانی بۆ پەرلەمانی سوریا هەڵبژێردران، بە بەشداریی کورد لە لیژنەی داڕشتن، دەستووری نوێ دەخرێتەڕوو”.
ع
