مەودا میدیا-
سەرۆکی یەکێتیی نیشتمانیی کوردستان لە دەباشان پێشوازی لە ئەندرۆ بیزلی، کونسوڵی گشتیی بەریتانیا لە هەرێمی کوردستان کرد.
بافڵ جەلال تاڵەبانی و ئەندرۆ بیزلی، دوایین پەرەسەندنە سیاسی و ئەمنیی و ئابوورییەکانی ناوچەکەیان تاوتوێ کرد و چارەسەرکردنی ئاشتییانەی کێشەکان بە گرنگ زانرا.
پەیوەست بە پێکهێنانی حکومەتی هەرێمی کوردستان، بافڵ جەلال تاڵەبانی رایگەیاند “داوای یەکێتی، داوای خەڵکە بۆ باشترکردنی حکومڕانی و گەیشتن بە حکومەتێکی دادپەروەر و بەهێز کە توانای خزمەتکردنی هەبێت بەبێ جیاوازیی و دەمانەوێت هاوسەنگی و شەراکەت و پێکەوەیی بنەمای کارکردن بێت”.
ب ح
