مەودا میدیا-
ئەندامێکی کۆنسەی بەڕێوەبەری کۆما جڤاکێن کوردستان (کەجەکە) ئاشکرایکرد عەبدوڵڵا ئۆجەلان رەشنووسێکی بۆ یاسای (چوارچێوە) پێشکەشی دەوڵەت کردووە، بەڵام تاوەکو ئێستا حکومەت وەڵامی نەداوەتەوە و گۆشەگیرییەکەی تووندتر کردووە.
مستەفا قەرەسوو، ئەندامی کۆنسەی بەڕێوەبەری کەجەکە رایگەیاند “چارەسەرکردنی کێشەی کورد تەنها بە دانانی چەک نابێت و ئەگەر دەوڵەت تەنها وەک چەکدانان سەیری پرۆسەکە بکات، گەریلا و رێکخراوەکەیان قبوڵی ناکەن”.
ئاماژەی بۆ ئەوەشکرد “پەکەکە ستراتیژی خۆیان لە شەڕی گەریلاوە بۆ سیاسەتی دیموکراتی گۆڕیوە و ساڵی رابردوو بە سووتاندنی چەک 30 گەریلا، ئیرادەی خۆی بۆ ئاشتی نیشانداوە”.
ئەوەشی خستەڕوو “دەوڵەتی تورکیا تاوەکو ئێستا هیچ هەنگاوێکی کردەیی بۆ پرۆسەی ئاشتی نەناوە و گومانییان هەیە ئامادەکاریی بۆ دەستپێکردنەوەی شەڕ بکات”.
ب ح
