مەودا میدیا- سەركۆ جەمال

بومەلەرزەیەك ناوچەی سەنگاوی سەر بە پارێزگای سلێمانی گرتەوە بەڵام هیچ زیانێكی گیانی بەدواوە نەبووە، بەهۆی كەمی پێوەرەكەی بەشێكی زۆری هاوڵاتیانی ناوچەی سەنگاو هەستیان بە بومەلەرزەكە نەكردووە.

دەزگای چاودێری كەش و هەوا و بومەلەرزەزانی عیراق رایگەیاند "ئەمڕۆ هەینی، كاتژمێر 7:20 خولەكی سەرلەبەیانی بومەلەرزەیەك بە گوڕی 3.1 لە ناوچەی سەنگاوی سەر بە پارێزگای سلێمانی روویداوە".

جێی ئاماژەیە 23ی ئەم مانگەش، كاتژمێر 9:29 خولەكی شەو بومەلەرزەیەك بە پلەی 3.9ی رێختەر لە ناوەندی شاری سلێمانی و دەوروبەری روویدا و هیچ زیانێكی لێ تۆمارنەكرا.