مەودا میدیا- سەركۆ جەمال

سەرچاوەیەك لە وەزارەتی دارایی و ئابووری ئاشكرایكرد، رۆژی یەكشەممە لیستی موچە رادەگەیەنرێت و بە یەك هەفتە مووچەی هەموو وەزارەتەكان دابەشدەكرێت.

سەرچاوەیەك لە وەزارەتی دارایی و ئابووری حكومەتی هەرێمی كوردستان بە مەودا میدیای وت "رۆژی یەكشەممە لیستی موچەی سەرجەم وەزارەتەكان رادەگەیەنرێت و بە یەك هەفتە مووچەی هەموو وەزارەتەكان دابەشدەكرێت".

وتیشی "ئاگاداركراونەتەوە لە هەفتەی داهاتوودا 320 ملیار دینارەكەی بەغدا دەگات، بۆیە بە یەك هەفتە مووچەی سەرجەم وەزارەتەكان دابەشدەكەن".

جێی ئاماژەیە هێشتا مووچەی مانگی نیسانی فەرمانبەرانی هەرێم دابەشنەكراوە و لە حاڵەتی دابەشكردنیشیدا بە لێبڕێنی 18% دەبێت.