مەودا میدیا-

باڵیۆزخانەی ئەمەریکا لە بەغداد رایدەگەیەنێت لە دوو رۆژی داهاتوودا زنجیرەیەک تاقیکردنەوە و ئامادەکاری بۆ گرتنەبەری رێوشوێنی کتوپڕی تایبەت بە خۆیان ئەنجامدەدەن، ئاماژە بەوەشدەکەن ئەو ماڵانەی لەگەڕەکەکەیاندا نیشتەجێن و لە دەوروبەری ئێمەن و تووشی بێزاری دەبن.

لە راگەیەندراوێکدا باڵیۆزخانەی ئەمەریکا لە بەغداد رایگەیاند "لە دوو رۆژی داهاتوودا زنجیرەیەک تاقیکردنەوە و ئامادەکاری بۆ گرتنەبەری رێوشوێنی کتوپڕی تایبەت بە خۆمان ئەنجامدەدەین".

ئاماژە بەوەشکراوە "بە فەرمی داوای لێبوردن لە دانیشتوانی گەڕەک و دەوروبەری باڵیۆزخانەکە دەکات کە رەنگە بەهۆیانەوە توشی بێزاری ببن"، هەروەها لە راگەیەندراوەکەدا باس لەوەکراوە "لەبەر ئەم هۆیەش دەنگی ئاگادارکەرەوەکان و جۆرەکانی تری دەنگی بەرز لەکاتی ئامادەکردنی پێداویستیەکان و تاقیکردنەوەکان دەگاتە ئەو ماڵانەی لەگەڕەکەکەماندا نیشتەجێن و لە دەوروبەری ئێمەن و تووشی بێزاری دەبن".

س.س