مەودا میدیا- سەركۆ جەمال

وتەبێژی جێگری سەرۆكی حكومەتی هەرێمی كوردستان، رایدەگەیەنێت تائێستا هیچ وادەیەك بۆ سەردانی شاندی باڵای هەرێم بۆ بەغدا دیاری نەكراوە، بەڵام شاندە هونەری و تەكنیكییەكە لە بەغدا بەردەوامن لە گفتوگۆكانیان.

سەمیر هەورامی، وتەبێژی قوباد تاڵەبانی جێگری سەرۆكی حكومەتی هەرێمی كوردستان لە لێدوانێكدا بە مەودا میدیای راگەیاند "جارێ وادەی سەردانی شاندی باڵای هەرێم بۆ بەغدا بۆ بەردەوامی پێدانی گفتوگۆكانی نێوان هەرێم و بەغدا دیار نییە".

وتیشی "شاندی دانوستانكاری هەردوو وەزارەتی دارایی و پلاندانان بەردەوام هاتوچۆی بەغدا دەكەن و ئێستاش بەردەوامن لە گفتوگۆ لە بەغدا بۆ دیاریكردنی ستراتیژی بودجەی ساڵەكانی 2021 و 2022 و 2023ی عیراق".