مەودا میدیا-

 ئەمڕۆ سێشەممە سێ پرۆژەی جیاوازی کارەبا لە هەولێر کرانەوە، پارێزگاری هەولێریش رایدەگەیەنێت داوایان لە هاوڵاتیانى هەرێمى کوردستان ئەوەیە کە کارەبا بەپێی پێویست بەکاربهێنن.

فرسەت سۆفی، پارێزگارى هەولێر لە راگەیەندراوێکدا ئاماژەی بەوەکرد "سێ پرۆژەی كارەبا کە بریتین لە بونیاتنانی وێستگەی كارەبای ئازادی نوێ 132 كەی ڤی - راكێشانی هێڵی پاڵەپەستۆی بەرزی 132 كەی ڤی - دەرهێنانی فیدەرەكانی 33 كەی ڤی و 11 كەی ڤی لە هەولێر کرانەوە"، ئەوەشی خستەڕوو "ئەم پرۆژانە کێشەی بار زۆری لەناوەندی شاری هەولێر تا ئاستێکی باش چارەسەر دەکات".

راشیگەیاندووە "لە هەولێر هەوڵەکان خراوەتە گەڕ بۆ بونیاتنان و تەواوکردنی کۆمەڵێک پڕۆژەی گرنگی کارەبا کە بەو پرۆژانە کێشەیەکی گەورەی کارەبا لە ئایندەیەکی نزیکدا لە هەولێر چارەسەردەکات، هەروەها داوامان لە هاوڵاتیانى هەرێمى کوردستان ئەوەیە کە کارەبا بەپێی پێویست بەکاربهێنن".

س.س