مەودا میدیا-

وەزارەتی تەندروستیی حکومەتی هەرێمی کوردستان ئاشکرای کرد، مه‌سرور بارزانی، سه‌رۆكی حكومه‌تی هه‌رێمی كوردستان، بودجه‌یه‌كی تایبه‌تی بۆ قه‌زای سۆران ته‌رخانكردووە  بۆ دروستکردن و دابینکردنی کارگەی بەرهەمهێنانی ئۆکسجین.

لە راگەیەندراوێکدا وه‌زاره‌تی ته‌ندرووستی حكومه‌تی هه‌رێمی كوردستان رایگەیاند "لە بەردەوامی پشتیوانییه‌كانی حکومەتی هەرێمی کوردستان بۆ بەرەنگاربوونەوەی نەخۆشی ڤایرۆسی کۆرۆنا، بە فەرمانی رێزدار مەسرور بارزانی، سەرۆکی حکومەتی هەرێمی کوردستان بڕیاری خەرجکردنی بڕی (331.200.000) سێ سەد و سی و یەک ملیۆن و دووسەد هەزار دینار درا بۆ دروستکردن و دابینکردنی کارگەی بەرهەمهێنانی ئۆکسجین لە قەزای سۆران".

ئاماژە بەوەشکراوە "ئەمەش وەک لە بەشێکە لە پێداویستییە گرنگەکانی بەرەنگاربوونەوە و چارەسەری نەخۆشانی کۆرۆنا لە هەرێمی کوردستان". 

س.س