مەودا میدیا-

لەسەر داوای رەمەک رەمەزان، قایمقامی قەزای چەمچەماڵ کە یاداشتێکی ئاراستەی وەزیری ناوخۆی حکومەتی هەرێمی کوردستان کردووە چەند بڕیارێکی گرنگ لە بەرژەوەندی قەزای چەمچەماڵی سەر بە پارێزگای سلێمانی دران.

قایمقامیەتی قەزای چەمچەماڵ رایگەیاندووە "دوابەدوای یاداشتی قایمقامیەتی قەزای چەمچەماڵ ژمارە 12 لە رۆژی 1/ 10/ 2020  بۆ بەڕێز وەزیری ناوخۆی هەرێم ، ئەمڕۆ 4/ 10/ 2020 بە فەرمانی وەزاری وەزارەتی ناوخۆ ژمارەیەک بڕیار لەبەرژەوەندی قەزای چەمچەماڵ دەرکرا"، ئەوانیش:

2- کردنەوەی بنکەی پۆلیسی نەهێشتنی تاوان لە چەمچەماڵ .

2-کردنەوەی بنکەی پۆلیسی شارەوانی لە چەمچەماڵ .

3- هێنانەکایەی بەشی پۆلیسی بەرگری شارستانی و بەستنەوەی بنکەکانی ناحیەکان بەو بەشەوە.

4- خەرجکردنی بڕی 49 ملیۆن دینار بۆ تەواوکردنی بینای نوسینگەی پاسپۆرتی چەمچەماڵ .

س.س