مەودا میدیا - کاروان نوری

زانكۆی سلێمانی سەبارەت بە میكانیزمی دەستپێكردنەوەی خوێندنی ساڵی 2020-2021 روونکردنەوەیەکی بڵاوکردەوە و دەڵێت، سەرەتای دەستپێکردنەوەی دەوامی زانکۆ بە شێوەی ئەلیکترۆنی دەبێت.

زانكۆی سلێمانی سەبارەت بە میكانیزمی دەستپێكردنەوەی خوێندنی ساڵی 2020-2021، روونکردنەوەیەکی بڵاوکردەوە و ئاشکرایکردووە، لەپاش چەندین كاتژمێر و چەندین كۆبوونەوە، پشت بەست بەڕێنماییەكانی وەزارەتی خوێندنی باڵا وتوێژینەوەی زانستی ئەنجومەنی زانكۆكەمان لەپێناوی ئەوەی خوێندكاران ھەم تەندروستیان پارێزراو بێت ھەم لەخوێندنەكەش بێبەش نەبن بڕیارماندا سەرەتا بە خوێندنی ئەلیكترۆنی دەست پێبكەین بۆ شەش ھەفتە".

ئەوەشیان خستووەتەڕوو "ئەم بڕیارە مانای ئەوە نیە كار بەخوێندنی ناو كەمپەس ناكەین، بەڵكو لە ھەفتەكانی دواتر بەپلانێكی ورد و كردنەوەی بەشە ناوخۆییەكان خوێندنی چەند كۆلێج و قۆناغ و بەش و بابەتێك لەنێو كەمپەس دەبێت بە پابەندبوون بە رێكارەكانی تاك پارێزی و كۆمەڵ پارێزی، وە بێ گومان لە تاقیكردنەوەكانیشدا خوێندنەوەمان دەبێت بۆ ئەو وانانەی بە ئەلكترۆنی خوێندراون".

ک.ن