مەودا میدیا - کاروان نوری

وته‌بێژی ته‌ندروستی سلێمانی سەبارەت بە بڵاوبوونەوەی ڤایرۆسی کۆرۆنا روونکردنەوەیەکی بڵاوکردووەتەوە و ئاشکرایکردووە، لە ماوەی چوار رۆژدا 28 تووشبوو لە سلێمانی گیانیان لەدەستداوە.
 
یاد نه‌قشبه‌ندی، وته‌بێژی ته‌ندروستی سلێمانی رایگەیاند "تکا ئەکەم زیاتر پابەندی رێنماییەکانی خۆپارێزی و چارەسەربن، تا ئازیزانتان لە دەست نەدەن، چونکە تەنها لە ماوەی (4) رۆژدا، (28) تووشبووی ڤایرۆسی کۆرۆنا گیانی لە دەستداوە".

ئەوەشی خستووەتەوەڕوو" لە بەرواری (2020/10/1 تا 4-10-2020) لە شاری سلێمانی (126) تووشبووی نوێی کۆرۆنا کە نیشانەی تووندی ڤایرۆسەکەیان هەبووە لە نەخۆشخانەکان داغڵ کراون".

ک.ن