مەودا میدیا – کاروان نوری 

بە مەبەستی خستنەڕووی بەرهەمی كشتوكاڵی و ئاشناكردنی هاوڵاتییان بە بەرووبوومە خۆماڵییەكان، لە ناحیەی سیروان، فێستیڤاڵی بەرهەمەخۆماڵییەکان دەستیپێکرد. 

ئەمڕۆ پێنجشەممە 8/10/2020، فێستیڤاڵی بەرهەمەخۆماڵییەکان دەستیپێکرد، ئازاد محەمەد، جووتیارە نموونەییەكەی هەڵەبجە، لەبارەی فێستیڤاڵەكەوە بە مەودا میدیای راگەیاند "لە ناحیەی سیروانی سەر بە پارێزگای هەڵەبجە، فێستیڤاڵی بەرهەمە خۆماڵییەکان دەستیپێکرد بۆ ئاشناكردنی هاوڵاتییانە بە بەروبومە خۆماڵییەكان". 

ئەوەشی خستووەتەڕوو، فێستیڤاڵەكە ماوەی دوو رۆژ بەردەوام دەبێت و ئامانج لە كردنەوەشی خستنەڕووی بەرهەمە خۆماڵییەكانە و ئاشناكردنی هاوڵاتییانە بە بەروبومە خۆماڵییەكان، لە فێستیڤاڵەكەدا جگە لە بەرووبوومی كشتوكاڵی، كاری دەستی و خواردنی كوردەواریش نمایش دەکرێت". 

ک.ن