مەودا میدیا- سازگار ئەحمەد

ئێوارەی ئەمڕۆ پێنجشەممە غازی ساڵح، به‌ڕێوەبه‌ری ئاسایشی ده‌روازه‌ی سنووریی سه‌رزێڕێ لە گوندی ئالیخانی له‌ سنووری ناحیه‌ی كانی ماسی لەلایەن چەند کەسێکەوە تەقەی لێکراو و بەهۆی سەختی برینەکەیەوە لە نەخۆشخانە گیانی لەدەستدا.

سەربەست سەبری، بەڕێوەبەری ناحیەی کانی ماسی بە مەودا میدیای راگەیاند "ئێوارەی ئەمڕۆ پێنجشەممە غازی ساڵح، به‌ڕێوەبه‌ری ئاسایشی ده‌روازه‌ی سنووریی سه‌رزێڕێ تەقەی لێکراو و بەهۆی سەختی برینەکەیەوە گیانی لەدەستدا".

ئاماژەی بەوەشکرد "پۆلیس دەستی کردووە بە لێکۆڵینەوە لە رووداوەکە تاوەکو ئێستا نەتوانراوە ئەنجامدەرانی تاوانەکە دەستگیربکرێن، چونکە ئەو ناوچەیە ناوچەیەکی شاخاوییە و ئەمەش کارەکانی پۆلیسی سەختر کردووە".

س.س