مەودا میدیا - کاروان نوری

پۆلیسی هه‌ولێر دەستگیرکردنی تۆمەتباریکی راگەیاند کە 229 ماددەی جۆراوجۆری ساختەکردووە کە پێکهاتووە لە مۆر و بەڵگەنامەی ساختەکراو کە تایبەتن بە حکومەتی هەرێمی کوردستان و حکومەتی عیراق.

به‌ڕێوه‌به‌رایه‌تی گشتی پۆلیسی پارێزگای هه‌ولێر بڵاویکردووەتەوە، تۆمەتباریکیان دەستگیرکردووە کە 229 ماددەی جۆراوجۆری ساختەکردووە کە پێکهاتووە لە مۆر و بەڵگەنامەی ساختەکراو کە تایبەتن بە حکومەتی هەرێمی کوردستان و حکومەتی عیراق و کۆنسوڵخانەکان و خاڵە سنوورییەکان و چەندین نووسراو و ناسنامەی دیکەی سەربازی".
 

ئەوەشیان خستووەتەڕوو "تۆمەتبارەکە دانی بە تاوانەکەیدا ناوە و لەلایەن پۆلیسەوە لێکۆڵینەوەی زیاتری لەگەڵ دەکرێت، دەستیانیشیان بەسەر دوو چەکی جۆری کڵاشینکۆڤ و دەمانچە و ئۆتۆمبێلدا گرتووە کە تابلۆی ساختەی پێوە بووە".

ک.ن