کوردستانی
ئەمڕۆ وەزیری دارایی هەرێمی کوردستان دەچێتە پەرلەمان
مەودا میدیا - سلێمانی |
ئەمڕۆ وەزیرى دارایی حکومەتى هەرێمى کوردستان دەچێتە پەرلەمان و روونکردنەوەیەک تایبەت بە مووچە و هاتنی 320 ملیارەکە لە بەغداوە دەدات.
سەرکۆ ئازاد گەڵالى، لە لێدوانێکدا بە مەودا میدیا راگەیاند "ئەمڕۆ، کاتژمێر، 10:30 خولەکى بەرەبەیان، ئاوات شێخ جەناب، وەزیرى دارایی حکومەتى هەرێمى کوردستان دێتە پەرلەمان و روونکردنەوەیەک تایبەت بە مووچە دەخاتەڕوو".
ئەوەشی خستەڕوو "لە کۆبونەوەکەدا وەزیرى دارایی حکومەتى هەرێمى کوردستان، لەبارەیی گۆڕینی مووچەی مانگی نۆ بە مانگی چوار و هاتنی 320 ملیارەکە لە بەغداوە روونکردنەوەیەک دەدات".
ئەوەش لەکاتێکدایە، بەپێى سەرچاوەیەک لە وەزارەتی دارایی و ئابووری هەرێم، بڕیارە رۆژی چوار شەممە خشتەی دابەشکردنی مووچەی سەرجەم وەزارەتەکان بڵاوبکرێتەوە.
ئەوەش لەکاتێکدایە، بەپێى سەرچاوەیەک لە وەزارەتی دارایی و ئابووری هەرێم، بڕیارە رۆژی چوار شەممە خشتەی دابەشکردنی مووچەی سەرجەم وەزارەتەکان بڵاوبکرێتەوە.