مەودا میدیا- سازگار ئەحمەد

ئێوارەی ئەمڕۆ لە قەزای سمێلێ لە پارێزگای دهۆک بەهۆی کێشەی نێوان دوو بنەماڵە گەنجێکی تەمەن 32 ساڵ کوژرا، دادگا فەرمانی گرتنی بۆ تۆمەتبارەکە دەرکردووە بەپێی مادەی 406ی سزادانی عیراقی.

هێمن سلێمان، وتەبێژی پۆلیسی دهۆک بە مەودا میدیای راگەیاند "ئێوارەی ئەمڕۆ کاتژمێر 5:00 لە قەزای سمێلێ لە پارێزگای دهۆک بەهۆی کێشەی نێوان دوو بنەماڵە گەنجێکی تەمەن 32 ساڵ کوژرا بە ناوی (ب.م.ق)".

ئاماژەی بەوەشکرد "لێکۆڵینەوە لە رووداوەکە دەستیپێکردووە و دادگا فەرمانی گرتنی بۆ تۆمەتبارەکە دەرکردووە بەپێی مادەی 406ی سزادانی عیراقی کە ناسنامەکەی ئاشکرایە".

س.س