مەودا میدیا- 

سەرۆک وەزیرانی عیراق رایدەگەیەنێت دەبێت کەشێکی سەقامگیر بۆ پرۆسەی هەڵبژاردنی پێشوەختە بڕەخسێنن، ئاماژەی بەوەشکرد دەبێت یەکگرتوو بن بۆ رووبەڕووبوونەوەی دیاردەی چەکی بێ مۆڵەت.

مستەفا کازمی، سەرۆک وەزیرانی عیراق لە میانەی وتارێکدا رایگەیاند "هەڵبژاردنی پێشوەختە لە 6ی حوزەیرانی 2021 ئەنجام دەدرێت، بۆیە دەبێت کەشێکی سەقامگیر بۆ پرۆسەی هەڵبژاردنی پێشوەختە بڕەخسێنین".

ئاماژەی بەوەشکرد "دیاردەی چەکی بێ مۆڵەت بوونی هەیە و دەبێت یەکگرتوو بین بۆ رووبەڕووبوونەوەی دیاردەی چەکی بێ مۆڵەت"، هەروەها راشیگەیاند "كۆنترۆڵكردنی سنووره‌كان ده‌روازه‌ی ئاسایش و سه‌قامگیرییه‌".

س.س