مەودا میدیا-

بەڕێوەبەرایەتیی هاتوچۆی سلێمانی ئاگاداری شۆفێران دەکاتەوە کە بۆ ماوەی حەوت رۆژ سایدی دەستە راستی به‌رزه‌پردی كۆبانێ‌ له ‌شه‌قامی بازنه‌یی مه‌لیک مه‌حمود دادەخرێت.

لە راگەیەندراوێکدا بەڕێوەبەرایەتىی هاتوچۆی سلێمانى رایگەیاند "به‌هۆی كاركردنی تیمه‌كانی شاره‌وانی له‌سه‌ر به‌رزه‌پردی كۆبانێ‌ له ‌شه‌قامی بازنه‌یی مه‌لیک مه‌حمود بۆ ماوەى حەوت رۆژ سایدی ده‌سته‌ راستی پرده‌كه‌ به‌ربه‌ستكراوه‌، داواش له‌ شۆفێران ده‌كه‌ن شه‌قامی سه‌ره‌كی ژێر پرده‌كه‌‌ و شه‌قامه‌ لاوه‌كییه‌كانی دیکە به‌كاربهێنن".

بەڕێوەبەرایەتىی هاتوچۆی سلێمانى ئاماژە بەوەشکراوە "ئەم بڕیارەش دەگەڕێتەوە بۆ ئه‌وه‌ی لۆد‌ و قه‌ره‌باڵغی زیاتر دروست نه‌بێت لەسەر شەقامەکان".

س.س