مەودا میدیا-

بەڕێوەبەرایەتیی کەشناسی و بوومەلەرزەزانی هەرێمی کوردستان هۆشداری دەدات لە بارینی لێزمە باران و هەورە بروسکە لە شاری هەولێر، ئاماژە بەوەشدەکات کە بۆ ماوەی دوو کاتژمێر بەردەوام دەبێت.

لە راگەیەندراوێکدا بەشی پێشبینی بەڕێوەبەرایەتیی کەشناسی و بوومەلەرزەزانی هەرێمی کوردستان رایگەیاند "به‌هۆی بوونی به‌ره‌ییه‌كی سارد Cold front  و هەوری جۆری CBوە لە سەنتەری شاری هەولێر و دەوروبەری ئەگەری لێزمە باران و بروسکە هەیە".

هەر لە راگەیەندراوەکەدا ئاماژە بەوەکراوە "پێشبینی دەکرێت کاریگەرییەکەی بۆ ماوەی 2 کاتژمێر بەردەوامی هەبێت". 

س.س