مەودا میدیا-

وەزارەتی کارەبای حکومەتی هەرێمی کوردستان رایدەگەیەنێت گرفتە تەكنیكیەكەی داناغاز چارەسەركرا و كارەبا ئاسایبووەتەوە، ئاماژە بەوەشدەکات وەزارەتی كارەبا دەستخۆشی لەوەزارەتی سامانە سروشتیەكان و كۆمپانیای داناغاز و تیمەكانی كۆنترۆڵی كارەبای هەرێم و پارێزگاكان و كارمەندانی ئێشكگری وێستگەكان دەكات.

لە راگەیەندراوێکدا وەزارەتی کارەبای حکومەتی هەرێمی کوردستان رایگەیاند "هاوبەشانی بەڕێز ئاگادار دەكەینەوە پاش ئەوەی كاتژمێر 7ی ئێوارەی ئەمشەو گرفتێكی تەكنیكی لە كێڵگەی كۆرمۆری غازی روویدا و بووەهۆی راوەستانی پەستانی غاز و  كەمبوونەوەی بەرهەمهێنانی كارەبا، لەئێستادا گرفتەكە چارەسەركراو دابەشكردنی كارەبای نیشتمانی ئاسایبووەتەوە". 

ئاماژەی بەوەشکردووە "وەزارەتی كارەبا دەستخۆشی لە وەزارەتی سامانە سروشتییەكان و كۆمپانیای داناغاز و تیمەكانی كۆنترۆڵی كارەبای هەرێمی کوردستان و پارێزگاكان و كارمەندانی ئێشكگری وێستگەكان دەكات كە بەزووترین كات گرفتەكەیان چارەسەركرد و رێگایان نەدا كاریگەریی خراپی لەسەر سیستمی كارەبا و كوژانەوەی گشتی بكات".

س.س