مەودا میدیا-

سەركردایەتیی فیرقەی فریاكەوتنی خێرای سوپای عیراق رایگەیاند بەپێی مادەی چواری تیرۆر لە سنووری ناحیەی سڵێمان بەگی سەر بە پارێزگاری سەڵاحەدین، چوار ژنیان بە تۆمەتی بوونی پەیوەندیی بە رێكخراوی تیرۆریستیی داعش دەستیگركردووە.

ئەمڕۆ یەكشەممە 31ی كانونی دووەمی 2021، لە بەیاننامەیەكدا سەركردایەتی فیرقەی فریاكەوتنی خێرا رایگەیاند "هێزەكانمان پێنج تۆمەتباریان بەپێی مادەی چواری تیرۆر لە ناحیەی سلێمان بەگ دەستگیركردووە".

ئاماژەی بەوەشكردووە "ئەو ژنە تۆمەتبارانە دانیان بەوەدا ناوە پەیوەندییان بە رێكخراوی تیرۆریستیی داعشەوە هەیە"، روونیشیانكردووەتەوە "تۆمەتبارەكان رادەستی یاسا كراون بۆ ئەوەی سزای دیاریكراوی خۆیان وەربگرن".

س.س