مەودا میدیا-

هاتوچۆی هه‌ولێر ئاشكرایده‌كات سه‌ردانیكردن بۆ تۆماركردنی ئۆتۆمبێلی بێ سه‌ره‌تا له‌مه‌ودوا ئاره‌زوومه‌ندانه‌ ده‌بێت و پشت به‌ پیتی ناوی هاوڵاتییان نابه‌سترێت.

به‌ڕێوه‌به‌رایه‌تییه‌كه‌ له‌ راگه‌یه‌ندراوێكدا رایگه‌یاندووه‌ "ئاگاداری خاوەن ئۆتۆمبێلە بێ سەرەتا و تۆمار نەکراوەکان دەکەینەوە کە لە خشتەی رابردوو بڵاومانکردبووەوە بەپێی پیتی دیاریکراو سەردانی پشکنین بکەن، لە ئەمڕۆوە سەردانیکردن ئارەزوومەندانەیە، واتا هەموو کەسێک دەتوانێت لە هەر رۆژێک بێت سەردانی لیژنەی پشکنین بکات بۆ سەرژمێریکردنی ئۆتۆمبێلە بێ سەرەتاکان".

ماوه‌ی چه‌ند رۆژێكه‌ به‌ بڕیارێكی وه‌زاره‌تی ناوخۆی حكومه‌تی هه‌رێمی كوردستان ده‌ستكراوه‌ به‌ تۆماركردنی ئه‌و ئۆتۆمبێلانه‌ی كه‌ بێ سه‌ره‌تان و خاوه‌نی تابلۆی هه‌رێمی كوردستان نین.

هـ.ع