مەودا میدیا-

وتەبێژی حکومەتی هەرێمی کوردستان ئاشکرایکرد سبەینێ شاندی حکومەتی هەرێمی کوردستان دەچێتەوە بەغدا درێژە بە گفتوگۆکانی دەدات لەگەڵ حکومەتی عیراقدا لەبارەی بودجەی 2021ی عیراق و کێشەکانی نێوانیان.

جوتیار عادل، وتەبێژی حکومەتی هەرێمی کوردستان لە 33هەمین ساڵیادی کیمیابارانی هەڵەبجەدا بە رۆژنامەنووسانی راگەیاند "سبەینێ چوارشەممە 17ی ئاداری 2021 شاندی حکومەتی هەرێمی کوردستان سەردانی بەغدا دەکات و لەگەڵ حکومەتی عیراقدا درێژە بە گفتوگۆکانی دەدات".
 
شاندەکە بە سەرۆکایەتیی قوباد تاڵەبانی، جێگری سەرۆکی حکومەتی هەرێمی کوردستان سەردانی بەغدا دەکات، لە سەردانەکەدا گفتوگۆ لەبارەی پشکی هەرێمی کوردستان دەکرێت لە پرۆژە یاسای بودجەی 2021ی عیراقدا.

س.س