مەودا میدیا- سازگار ئەحمەد

ماوەیەکی زۆر تێپەڕیوە یەکێتیی نیشتیمانیی کوردستان و پارتی دیموکراتیی کوردستان کۆبوونەبوونەتەوە، ئەندامێکی سەرکردایەتیی پارتیش دەڵێت "هیچ کاتێکی دیاریکراو نییە بۆ کۆبوونەوەی یەکێتی و پارتی".

ئاری هەرسین، ئەندامی سەرکردایەتیی یەکێتیی نیشتیمانیی کوردستان بە مەودا میدیا راگەیاند "ئەوەی زۆر پێویستە لە ئێستادا لە هەرێمی کوردستان رێککەوتن و ئاشتی نێوان یەکێتی و پارتییە، بۆیە ئێمە و یەکێتی ئەمڕۆ بێت یان سبەی هەر دەبێت کۆببینەوە".

ئاماژەی بەوەشکرد "هەتاوەکو پەلە بکرێت لە دانیشتنی یەکێتی و پارتی هێشتا زووە، هەروەها زۆر کەسی دڵسۆز لە  هەموو لایەکەوە هەوڵی بێوچان دەدەن، بۆئەوەی ئەو دانیشتنەی یەکێتی و پارتی ئەنجام بدرێت، بەڵام تاوەکو ئێستا کاتێکی دیاریکراو نییە بۆ کۆبوونەوەی یەکێتی و پارتی".

هەروەها حاجی مەسیفی، ئەندامی سەرکردایەتیی یەکێتیی نیشتیمانیی کوردستان بە مەودا میدیای وت "هیچ زانیارییەک نییە لە ئێستادا لەبارەی کۆبوونەوە یەکێتی و پارتی".

س.س