مەودا میدیا-

جێگری سەرۆکی ئەنجومەنی نوێنەرانی عیراق رایدەگەیەنێت رێککەوتنی شاندی حکومەتی هەرێمی کوردستان و لایەنە شیعەکانی ئەنجومەنی نوێنەرانی عیراق هەڵنەوەشاوەتەوە، ئاماژە بەوەشدەکات کۆبوونەوەی ئەنجومەنی نوێنەران بۆ چەند رۆژێک دوادەخرێت.

د. بەشیر حەداد، جێگری سەرۆکی ئەنجومەنی نوێنەرانی عیراق لە کۆنگرەیەکی رۆژنامەوانیدا رایگەیاند "رێککەوتنی شاندی حکومەتی هەرێمی کوردستان و لایەنە شیعەکانی ئەنجومەنی نوێنەرانی عیراق هەڵنەوەشاوەتەوە، هەروەها کێشەکان چارەسەر دەبن".

ئاماژەی بەوەشکرد "کۆبوونەوەی ئەنجومەنی نوێنەرانی عیراق بۆ چەند رۆژێک دوادەخرێت، هەروەها سەرۆکایەتیی ئەنجومەنی نوێنەران گۆڕانکاری لە هیچ بڕگەیەک قبوڵ ناکات".

س.س