مەودا میدیا-

بریکاری وەزارەتی كارەبای حكومەتی هەرێمی کوردستان ئاشکرایکرد "تائێستا لە سنووری ئیدارەی گەرمیان 85% هاوبەشانی كارەبا پێوەری زیرەكیان بۆ بەستراوە، هەروەها %50ی هاوبەشانی کارەبا لە هەرێمی کوردستان پێوەری زیرەکی کارەبای نیشتمانییان بۆ بەستراوە".

كامیل محەمەد قەزاز، بریكاری وەزارەتی كارەبای حکومەتی هەرێمی کوردستان بە مەودا میدیای راگەیاند "ئەمڕۆ یەکشەممە 13ی حوزەیرانی 2021 بەمەبەستی ئاگاداربوون لە چۆنییەتی بەستنی پیوەری زیرەك سەردانی لیژنەكانی بەستنی پێوەرەكەم کرد لە گەرمیان و سەردانی بەڕێوبەرایەتیی گشتیی كارەبای ناوچەكەم کرد، تائێستا بەڕێژەی %85ی هاوبەشانی کارەبا پێوەری زیرەکی کارەبای نیشتمانییان بۆ بەستراوە و بەستنی پێوەرەکە بەردەوام دەبێت".

ئاماژەی بەوەشکرد "پێوەری زیرەکی کارەبا سودی زۆری بۆ کەمرکدنەوەی بەفیڕۆدانی کارەبای نیشتمانی دەبێت و تائێستا %50ی هاوبەشانی کارەبای نیشتمانی لە هەرێمی کوردستان پێوەری زیرەکی کارەبایان بۆ بەستراوە".

پ.ح