مەودا میدیا-

بەڕێوەبەرایەتیی هاتوچۆی گەرمیان رایگەیاند، لە رووداوێکی هاتوچۆدا لەناوشاری کەلار ئۆتۆمبێلێک لە جۆری هۆندا مینی پاس، لە پاسکیلێک سوارێک دەدات و لە ئەنجامی رووداوەکە پاسکیل سوارەکە بەهۆی سەختی برینەکەیەوە گیانی لەدەستدا.

ئەمڕۆ چوارشەممە 18ی ئابی 2021 راگەیاندنی بەڕێوەبەرایەتیی هاتوچۆی گەرمیان لەراگەیەندراوێکدا بڵاویکردەوە، ئەمڕۆ  لەناو شاری کەلار نزیک مزگەوتی بخاری ئۆتۆمبێلێک لە جۆر (هۆندا مینی پاس) لە (پاسکیلێک سوارێک)دەدات، لە ئەنجامی رووداوەکە پاسکیل سوارەکە بەهۆی سەختی برینەکەیەوە گیانی لەدەستدا.

ئەوەشخراوەتەڕوو، ئەوکەسەی گیانی لەدەستداوە لەدایکبووی 1969ە، لەئێستادا تیمی هاتوچۆ لێکۆڵینەوەیان لە رووداوەکە دەستپێکردووە، شۆفێری ئۆتۆمبێلەکەش بەبڕیاری دادوەر بەپێی مادەی 24ی هاتوچۆ بەندکراوە.

ر. ر