مەودا میدیا-

ئەندامێکی پەرلەمانی کوردستان سەبارەت بەسووتانی ژمارەیەک لە کارتی بەشداربووانی یەکێک لە بانکەکانی ناو پڕۆژەی هەژماری من پەیامێکی بڵاوکردەوە.

عەلی حەمەساڵح، ئەندامی پەرلەمانی کوردستان رایگەیاند "بانکی ئەهلی عیراقی کە یەکێکە لە بانکەکانی ناو پڕۆژەی هەژماری من بەبێ هۆکار شەش هەزار کارتی بەشداربووانی سووتاندووە".

ئاماژەی بۆ ئەوەشکرد "بانکەکە بۆ دروستکردنەوەی کارتەکە بڕی 25 هەزار لە خاوەن کارت وەردەگرن و دەبێت بەدواداچوون بکرێت رێگە لە بەتاڵکردنەوەی گیرفانی مووچەخۆران بگیرێت".

ب ح