مەودا میدیا- سازگار ئەحمەد

دوانیوەڕۆی ئەمڕۆ رووداوێکی هاتوچۆ لە سەر رێگەی سلێمانی  - کەرکوک نزیک وێستگەی کارەبای گازی چەمچەماڵ کەسێک گیانی لەدەستدا و چوار کەسی تر برینداربوون.

شەریف رەحیم، جێگری بەڕێوەبەری تەندروستیی چەمچەماڵ بە مەودا میدیای راگەیاند "بەڕێوەبەری سەنتەری فریاکەوتنی چەمچەماڵ پێیڕاگەیاندین دوانیوەڕۆی ئەمڕۆ سێشەممە 24ی ئابی 2021 رووداوێکی هاتوچۆدا لەسەر رێگەی سلێمانی - کەرکوک نزیک وێستگەی کارەبای گازی چەمچەماڵ روویدا بەهۆی وەرگەڕانی ئۆتۆمبێلێک".

ئاماژەی بەوەشکرد "ئەو ئۆتۆمبێلەی وەرگەڕاوە پێنج کەسی تێدابووە، چوار پیاو و ژنێک کە برینداربوون بەهۆی سەختی برینەکەیەوە یەکێک لە بریندارەکان کە پیاوێکی تەمەن 44 ساڵە گیانی لەدەستداوە".

س.س