مەودا میدیا-

بڕیارە سبەینێ پەرلەمانی کوردستان کۆببێتەوە بۆ دەنگدان لەسەر چوار پێشنیاز و پڕۆژەیاسا و دەست لەکارکێشانەوەی چەند ئەندامێکی پەرەمان لە لێژنەکان.

ئەمڕۆ دووشەمە پەرلەمانی کوردستان لە راگەیەنراوێکدا ئاماژەی بۆ ئەوەکردووە، کاتژمێر  11ی پێشنیوەڕۆی رۆژی سێشەممە دانیشتنی پەرلەمان دەستپێدەکات و شەش پەرلەمانتار دەستلەکارکێشانەوەیان لە لیژنەکانیان رادەگەیەنن و دەبنە سەرۆک و ئەندامی لیژنەی دیکەی پەرلەمان. 

ئەوەشی خستووتەڕوو "دواتر دەنگدان لەسەر چوار پێشنیاز و پڕۆژەیاسا دەکرێت، ئەوانیش پێشنیازەیاسای ھەمواری دووەمی یاسای دەستەی دەستپاکیی و پڕۆژەیاسای نیشان و مەدالیا و پڕۆژەیاسای ھەمواری دووەمی یاسای یەکێتیی ژوورەکانی بازرگانی و پیشەسازین، لەگەڵ پڕۆژەیاسای ھەمواری یەکەمی یاسای وەزارەتی بازرگانی و پیشەسازی لە ھەرێمی کوردستان".

ر. ر