مەودا میدیا-

بەرپرسى هۆبەى ئەحزاب‌ و لایەنە سیاسییەکان لەئۆفیسى هەولێرى کۆمسیۆى باڵاى هەڵبژاردنەکانى عیراق رایگەیاند، ئێوارەی 11ی مانگ ئەنجامە بەراییەکان رادەگەیەندرێت و رۆژی دواتریش کە دەکاتە 12ى مانگ ئه‌نجامى كۆتایی هه‌ڵبژاردن ئاشكراده‌كه‌ین.

ئەمڕۆ شەممە فەرهاد ئەسعەد شێتنەیی، بەرپرسى هۆبەى ئەحزاب‌ و لایەنە سیاسییەکان لەئۆفیسى هەولێرى کۆمسیۆى باڵاى هەڵبژاردنەکانى عیراق له‌لێدوانێكى ۆۆژنامه‌وانیدا رایگه‌یاند "له‌سنورى پارێزگاى هه‌ولێر 18 كاندید سزادراون‌ و کاندیدێکیش به‌هۆى سه‌رپێچى له‌یاسا و رێنماییه‌كانى كۆمسیۆن دورخرایه‌وه‌ ئه‌وه‌ش به‌بڕیارى ئۆفیسى نیشتیمانى له‌به‌غدا".

ئاماژەی بەوەشكرد "سبه‌ینێ ئه‌گه‌ربێت‌ و له‌ده‌نگدانى گشتیدا كاندیده‌كان بانگه‌شه‌ رانه‌گرن، ئه‌وا ئه‌گه‌رى چه‌ند هێنده‌ زیادكردنى غه‌رامه‌كه‌یان هه‌یه‌، بۆیه‌ داوایان لێده‌كه‌ین چیتر بانگه‌شه‌ رابگرن".

له‌باره‌ى ئه‌نجامه‌كانى هه‌ڵبژاردنە گشتییەکانی سبەینێ یەکشە ممەوە ئاشکرایکرد "ئه‌نجامه‌ به‌راییه‌كان ئێواره‌ى 11ى مانگ راده‌گه‌یه‌نرێت‌ و ئێواره‌ى 12ى مانگیش ئه‌نجامى گشتیی‌ و كۆتایی هه‌ڵبژاردن ئاشكراده‌كه‌ین".

ر. ر