مەودا میدیا-

 کۆمیسیۆنی باڵای سەربەخۆی هەڵبژاردنەکانی عیراق رایگەیاند، هەزار و 877 چاودێری نێو دەوڵەتی لە پرۆسەی هەڵبژاردنی عیراق بەشدارن و چاودێریی بەڕێوەچونی هەڵبژاردنەکە دەکەن، هەروەها چەندین رێکخراوی ئەورپی و ئەمەریکی و وڵاتانی عەرەبی و بەشێک لە وڵاتانی ئاسیا چاودێری هەڵبژاردنەکان دەکەن.

سەبارەت بە چاودێرە ناوخۆییەکان کۆمیسیۆنی باڵای سەربەخۆی هەڵبژاردن رایگەیاند، بە کۆی گشتی 160 هەزار و 148 چاودێری نێوخۆ لە تەواوی شار و شارۆچکە و ناوچەکان چاودێریی هەڵبژاردن دەکەن کە 456 هەزار و 733 چاودێر نوێنەرایەتیی پارتە سیاسییەکانن، هاوکات 510 کەناڵی راگەیاندنی بیانی و سێ هەزار و 170 میدیای نێوخۆ بەشدارن و پرۆسەی هەڵبژاردنی عێراق رووماڵ دەکەن.

 

کۆمیسیۆنی باڵای سەربەخۆی هەڵبژاردنەکان لە عیراق ژمارە و شوێنی بنکە و وێستگەکانی دەنگدانی بڵاوکردەوە کە بەم شێوەیەن:

 

بەغدا - رەسافە: 1023

بەغدا - کەرخ: 792

هەولێر: 498

ئەنبار: 380

بەسرە: 514

سلێمانی: 503

قادسیە: 289

موسەننا: 170

نەجەف: 336

بابل: 413

دهۆک: 264

دیالە: 483

زیقار: 440

سەلاحەدین: 312

کەربەلا: 244

کەرکووک: 315

میسان: 230

نەینەوا: 753

واست: 305

ئەمڕۆ بە بەشداریی 24 ملیۆن و 29 هەزار و 927 دەنگدەر لە عیراق و هەرێمی کوردستان پرۆسەی دەنگدانی گشتی بۆ هەڵبژاردنی 329 ئەندامی ئەنجوومەنی نوێنەرانی عیراق بەڕێوەدەچێت، کە لە هەشت هەزار و 273 ناوەندی دەنگدان لە هەموو عیراق و هەرێمی کوردستان دەبێت، ئەو ناوەندانەش بریتین لە 55 هەزار و 41 وێستگەی دەنگدان، لە هەر وێستگەیەکیش نزیکەی 450 دەنگدەر مافی دەنگدانیان دەبێت.

ر. ر