کوردستانی

کۆمەڵ لەبارەی ئەنجامەکانی هەڵبژاردنەوە بڕیارێک دەدات

مەودا میدیا - سلێمانی |


کۆمەڵ لەبارەی ئەنجامەکانی هەڵبژاردنەوە بڕیارێک دەدات
مەودا میدیا-

ده‌سته‌ی چاودێری و به‌دواداچوونی كۆمه‌ڵی دادگه‌ریی کوردستان راپۆرتێك له‌سه‌ر ئه‌نجامه‌كانی هه‌ڵبژاردنی ئه‌نجومه‌نی نوینه‌ران ئاماده‌ دەکات و راده‌ستی سه‌كردایه‌تیی حزبه‌كه‌ ده‌كات.

ئه‌مڕۆ شەممە 16ی تشرینی یەکەمی 2021 ده‌سته‌ی چاودێری و به‌دواداچوونی كۆمه‌ڵی دادگه‌ریی کوردستان به‌ ئاماده‌بوونی ته‌واوی ئه‌ندامانی كۆبووه‌وه‌، كۆبوونه‌وه‌كه‌ به‌ ئامانجی هه‌ڵوه‌سته‌كردن له‌سه‌ر ئه‌نجامه‌كانی هه‌ڵبژاردنی ئه‌نجومه‌نی نوێنه‌ران و گۆڕانكاری له‌ رێژه‌ی نوێنه‌رایه‌تیی كۆمه‌ڵی دادگه‌ریدا بوو.

له‌و باره‌یه‌وه‌، ده‌سته‌ی چاودێری و به‌دواداچوونی كۆمه‌ڵی دادگه‌ری، میكانیزم و شێوازی هه‌ڵبژاردنی ئه‌نجومه‌نی نوێنه‌رانی تاوتوێ كرد، گفتوگۆی له‌سه‌ر ئه‌و هۆكارانه‌ش كرد كه‌ وای كرد ده‌نگه‌ به‌ده‌ستهاتووه‌كانی كۆمه‌ڵی دادگه‌ری له‌و هه‌ڵبژاردنه‌دا نه‌گاته‌ ئاستی چاوه‌ڕوانكراو.

هه‌ر له‌و كۆبوونه‌وه‌یه‌دا، بڕیاردرا ده‌سته‌ی چاودێری راپۆرتێكی ورد له‌سه‌ر ئه‌نجامه‌كانی هه‌ڵبژاردنی ئه‌نجومه‌نی نوێنه‌ران ئاماده‌ بكات، كه‌ تێیدا ده‌ستنیشانی كه‌موكورتییه‌كان بكرێ و له‌ پاڵیدا پێشنیازه‌كانی چاره‌سه‌ریش بخرێنه‌ڕوو.

س.ر
Qaiwan
Qaiwan

زۆرترین خوێندنەوە

بیروڕا


News

رێنوسی تابلۆی ئۆتۆمبێلەكانی هاتوچۆی هەرێم هەڵەن

لەلایەن ئه‌رسه‌لان په‌رۆش


News

پارستنی ئاو وەکو ئەرکێکی بنەڕەتیی ژیان

لەلایەن د.مونیرە ئەبوبەکر


News

بۆ ناهێڵن عەرەبە ئاوارەکان بگەڕێنەوە؟

لەلایەن خەڵەف غەفور


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد